En hvort kakóið valdirðu? Talandi um að varast kakóslysin, ég keypti einu sinni kakómalt án viðbætts sykurs. Bragðaðist eins og þvottaduft. En allt um það, nú er Cadbury's komið í eigu Ammríkana. Það hlýtur þá að bragðast eins og þvottaduft líka. Arm & Hammer kakó.

Það má eiginlega segja að það sé ríkisbragð það já því það eru jú ekki margir stórir kakóframleiðendur í Ammríku og þeir þekkjast sjálfsagt. Hitt er svo annað mál að það er alltof mikið úrval í kakóheiminum í Ammeríku, maður hættir að nenna að fylgjast með. Lítill viðbættur sykur, enginn viðbættur sykur, lítill viðbættur sykur með sykurpúðum, enginn viðbættur sykur nema í sykurpúðum, o.s.frv. Eggin eru til úr hænum sem voru hvorki hormónasprautaðar né aldar í pínubúri, úr hormónasprautuðum og búrpíndum vesalings hænugreyjum, hormónasprautuðum en búrfríum hænum og svo loks hormónasprautuðum og búrfríum hænum... og svo koma bakkarnir í sex og tólf eggja stærðum, hvít og brún, lítil, miðlungs og stór... ekki grín. Maður gæti stundum grenjað af úrvali. Held það séu ekki færri en fimmtán tegundir af appelsínusafa og sykruðu appelsínusafalíki í búðinni. Þessir Kanar eru klikk. En mér þykir samt vænt um þá.