Þið munið hann Guðmund 2

Guðmundur, bróðir minn, sem svindlar sér í gegnum lífið og lætur aðra borga fyrir sig er hættur að kenna sig við pabba okkar og er búinn að skrá sig Svövuson. Þið varið ykkur þá á Guðmundi Svövusyni og þurfið hvorki að rugla honum saman við leikskáld né fótboltakappa. Ég veit ekki hvað hann á sökótt við pabba en það hlýtur að vera eitthvað vegna þess að fólk sem kennir sig aðeins við móður er yfirleitt meðvitað að skera á öll tengsl við föður. Er það ekki?

Í marga áratugi skráði hann sig óformlega Guðmund S. Steinsson og S. stóð þá einmitt fyrir Svövuson. Hann er á flótta undan einhverju eða einhverjum en þekkist auðvitað betur úr hópnum með þessari nýju breytingu.

Hann er að reyna að koma sér undan að borga mér skuld sem hann hefur viðurkennt en er ekki þinglýst og hann hefur hlunnfarið mjög marga sem hann hefur átt í einhverjum samskiptum við um dagana. Mest sjálfsagt mömmu og pabba en líka m.a. bændur sem áttu viðskipti við hann í Víðigerði fyrir nokkrum árum. Hann skilur eftir sig sviðna slóð og mér í mun að fólk vari sig á honum.

 

Athugasemdir

[Ingólfur Sigurðsson, 5.12.2020 kl. 21:57]

Þú skrifar mikið um Guðmund bróður þinn. Ég veit að svona fólki er ekki viðbjargandi. Mamma hefur átt í svipuðum vandræðum og hann og orðið skuldug við skyldfólk að óþörfu. Eins og þú hefur áttað þig á er ekki lausnin að þagga þetta niður og heldur er ekki lausnin að hata fólk sem verður svona, heldur er þetta einhverskonar fíkn eða eitthvað sem verður að hjálpa fólki að losna útúr. Maður veltir því fyrir sér hvar eru mörkin að tala illa um aðra með það að leiðarljósi að veita þeim hjálp og hvenær ekki. Ég veit að lausnin felst ekki í þöggun. Fólk með þessa skuldahömlun er fært í að koma inn hjá sínum nánustu samvizkubiti og stjórna þannig. 

Ég er skilnaðarbarn og hef horft uppá deilur foreldra minna næstum allt mitt líf. Pabbi hélt því fram þegar mamma bannaði mér að heimsækja hann á unglingsárunum, áður en amma Fanney hvatti mig til að segja mömmu ekki frá því, að mamma væri ofdekruð og þessvegna væri hún svona erfið og óþolandi, að hans mati. Það særði mig mikið að heyra hann tala svona, en að lokum sættist ég á að hann sagði sannleikann.

Eitt af því sem einkennir mömmu er að hún vill ekki viðurkenna að neitt sé að hjá sér. Hún leitar sér aldrei hjálpar. 

Það vantar alveg opinbert kerfi til að hjálpa fólki í svona aðstæðum. Bróðir mömmu sagði að hún ætti að verða svipt fjárræði en gerði ekkert í því sjálfur að leita til geðlækna og lýsa henni. Auk þess er þetta ömurlegt fyrir fólkið sjálft sem er hrjáð af þessari skuldafíkn og fær ekki hjálp við hæfi. Þetta er eitthvað skylt við spilafíkn og áfengisfíkn, er ég viss um, og bróðir þinn er einnig alkahólisti, eins og þú skrifar um. Þetta er alveg pottþétt eitthvað mjög skylt fyrirbæri. Fyrsta skrefið er oft að ræða um vandamálin, þegar eitthvað svona er á ferðinni. 

[Berglind Steinsdóttir, 6.12.2020 kl. 10:08]

Skuldafíkn! Ég hafði ekki hugsað vandamálið þannig en það er nokkuð lýsandi orð fyrir vandann. Og bara svo það komi fram við þetta tækifæri hef ég auðvitað reynt að nálgast Gumma sjálfan og leysa þetta á persónulegum nótum. Ég er ekki bara að skrifa hér til að ausa úr skálunum.

Leiðinlegt hvernig staðan er hjá þér, Ingólfur. Ég óska þér alls hins besta en mér finnst samt á þér að skilja að það sé engin batavon hjá mömmu þinni og hún er auðvitað engin ef hún horfist ekki í augu við vandann og kemst upp með það.