Grísk skyrterta

350 g grísk jógúrt

250 g vanilluskyr

1 msk. vanillusykur

75 g hrásykur

100 g kókosmjöl

100 g mulið hafrakex (eða haframjöl)

olía eftir þörfum

400 g perur (mega vera úr dós)

Mauka saman kókosmjöl og hafrakex með olíunni þannig að tolli sæmilega saman. Þeyta saman gríska jógúrt, vanilluskyr, vanillusykur og hrásykur. Setja kexblöndu í botn á skál eða eldföstu móti, skera perurnar í bita og setja yfir, svo jógúrtblönduna. Endurtaka einu sinni og enda á að setja kexblöndu á toppinn. Má skreyta með súkkulaðispónum. Kæla.

Drekka kaffi með ...

Já, enda nær að drekka einhvern andoxunarsafa sem er góður fyrir sjónina.

Ég á allt hráefnið og mun hræra í eina gríska síðar í vikunni. Nú þarf ég að einbeita mér að því að muna að mæta í Perluna og kaupa tvær merkisbækur og skoða svo eitt opið hús í Hlíðunum á bakaleiðinni. Og fara með lakkrístoppana í vinnuna á morgun ...