Mánudagur, 16. desember 2019
Ráðningarferli er höfnunarferli
Ef ein staða er auglýst og tíu sækja um er níu manns hafnað, 90%. Þess vegna þarf maður ekki að taka nærri sér þótt maður fái ekki stöðu sem maður sækist eftir ef hæfari einstaklingur sækir um.
Ég sótti um starf hjá EFTA í október, fór í viðtal í Brussel í nóvember og fékk neitandi svar í morgun. Strax 29. nóvember þóttist ég vita að ég fengi ekki starfið en er fegin að vera komin með skýrt svar til að geta gert plön á næsta ári. Ef ég hefði fengið starfið hefði ég þurft að flytja til Brussel, sem var spennandi, og byrja í nýju starfi þar í síðasta lagi 1. mars 2020.
Ég var mjög til í það en þar sem ég hef væntanlega átt við ofurefli að etja er ég bara glöð með að hafa komið til greina. Í staðinn fæ ég fleiri vikur til að einbeita mér að MA-ritgerðinni minni í þýðingarfræðum og eftir það hefst nýr lífskafli sem ég hlakka mikið til.
Athugasemdir
Vigdís Hauksdóttir ætti að biðja tölu um hversu margir hjá Reykjavíkurborg hafa verið ráðnir án auglýsingar (það mun taka minnst 3 mánuði að fá svar)
Ég giska á 20% því yfirmönnum finnst gott að velja sína hirðmenn afskiptalaust og meðan þú ert góður hirðmaður þá er ráðningarsamningurinn endurnýjaður aftur og aftur og aftur ............
Borgari (IP-tala skráð) 16.12.2019 kl. 18:52
Jæja jæja, hefði verið aldeilis skemmtilegt. Það bíða önnur ævintýri.
Hrafnhildur (IP-tala skráð) 18.12.2019 kl. 15:26
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.