,,... megi skipta sér ört milli kvenna"

Sunnudagsmorgunn Gísla Marteins er skemmtilegur þáttur en aldrei hef ég þó hlegið eins innilega og þegar Kolbrún Bergþórsdóttir talaði um George Clooney rétt í þessu sem hún telur fullkomnasta mann í heimi. Hann er nú kominn með nýja kærustu sem er gáfaður aktívisti, sagði Kolbrún, og hún samgleðst þeim báðum en eiginlega væri bara betra að svo góður maður skipti sér ört á milli kvenna.

Í einlægni hló ég hátt og dátt og lengi. Og auðvitað er ég sammála Kolbrúnu.