Klíníkin

Ég hlustaði á Sprengisand í morgun og heyrði forsætisráðherra mæra einkarekna heilbrigðisþjónustu. „Mega menn sem vinna verkefni sem ríkið ræður ekki við ekki borga sér góð laun og jafnvel arð?“ Eitthvað á þessa leið féllu orðin.

Ég veit þess dæmi að viðskiptavinur í einkarekinni heilbrigðisþjónustu - sem borgaði fyrir hana - hrökklaðist þaðan á þjóðarsjúkrahúsið þar sem vandanum var mætt í alvöru. Ætli það sé eina dæmið?

Ef einkarekin heilbrigðisþjónusta á að toppa ríkisreknu heilbrigðisþjónustuna, rukka fyrir hana og borga sér góð laun verður hún að geta sinnt öllum þeim þáttum sem sú ríkisrekna gerir núna. Er það ekki eðlileg krafa?

Athugasemdir

[Örn Johnson ´43 (IP-tala skráð) 30.4.2017 kl. 23:43]

Ég veit um tvo einstaklinga sem fóru á einkarekna heilbrigðisþjónustu og fengu lækningu sinna meina. Svo fengu læknarnir arð. Ég veit líka um fólk sem sækir nær daglega í fyrirtæki sem eru að græða á hungri þess. Skömm þessara fyrirtækja er mikil, okra á hungruðum og greiða eigedum sínum arð. 

[Berglind Steinsdóttir, 1.5.2017 kl. 22:37]

Og þér fyndist þá væntanlega í góðu lagi að kúnnarnir í einkareknu búðinni borguðu fyrir matinn en færu svangir út og borðuðu í ríkisreknu búðinni á þinn kostnað. Ertu búinn að gleyma umræðunni um einkavæðingu gróðans og ríkisvæðingu tapsins?