Fimmtudagur, 3. september 2015
Er Ruud Gullit hættur?
Ég samgleðst öllum sem fögnuðu sigri íslenska karlalandsliðsins í fótbolta á hollenska karlalandsliðinu í fótbolta. Ég frétti af fólki í dag sem gat ekki á heilu sér tekið fyrir spenningi, æfingu í skokkhópnum mínum var flýtt, fólk úttalaði sig á veraldarvefnum og svo rak það upp mikil fagnaðaróp á Facebook, fyrst yfir fyrsta markinu, svo yfir að það væri eina markið og þar með íslenskur sigur í höfn. Einhver sagði að við værum að upplifa stærstu stund íslenskrar knattspyrnusögu.
Ég hef samt engan sérstakan áhuga á fótbolta og ákvað að fara í zúmba frekar en að fylgjast með. Tímasetningin var hins vegar þannig hjá mér að ég kveikti á útvarpinu í sama mund og Gylfi skoraði þetta örlagaríka mark, fylgdist svo ekkert með eftir það.
Fólk hrósar Lars Lagerbäck í sigurvímunni -- en hvað með mig? Á ég ekki hrós skilið fyrir að hlusta á réttum tíma?
Annars er það helst í fréttum að Ruud er búinn að láta klippa sig.
Athugasemdir
Klárlega Berglind!
Erla (IP-tala skráð) 4.9.2015 kl. 08:06
Fótbolti hvað - en Zumba er gleðigjafi hinn mesti, ég reyni að fara reglulega hér í Reykjanes-Sporthúsinu og elska það :) Njóttu helgarinnar, ég sakna ykkur nú þegar og þess að komast ekki að þessu sinni ...
Jana (IP-tala skráð) 4.9.2015 kl. 09:10
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.