Verslun á Laugaveginum

Ég á oft leið um Laugaveginn gangandi og hjólandi. Ég hef margsinnis verslað á veitingastöðunum, keypt ís, keypt í matinn, látið smíða lykla, keypt hengilás, látið gera við hjólið á Hverfisgötunni, keypt afmælisgjafir allt árið og keypt jólagjafir í desember. Mig vantar hins vegar ekki gallabuxur, gleraugu og skartgripi í hverri viku og aldrei orf og ljá.

Frá mínum bæjardyrum séð er vöruúrvalið helsta vandamálið við verslun á Laugaveginum.