Steinull og strigi

Eftir fantafína göngu um Öskjuhlíðina í kvöld (í boði OR) met ég heimsókn í undirheima Perlunnar hápunkt kvöldsins. Einar jarðfræðingur sagði mér að víst væri geymt 80°C heitt vatn í fjórum geymum af sex. Og við nokkur sérlega áhugasöm fengum að ganga undir Perlunni og skoða leiðslurnar - og einangrunina. Utan um leiðslurnar er steinull, utan um steinullina er strigi og hann er málaður hvítur. Kjarval hvað? Svo eru gormar til að mæta breytum í leiðslunum.

Gaman!

Og ekki spillti síðsumarsveðrið, seiseinei.

Athugasemdir

[Ásgerður (IP-tala skráð) 28.8.2010 kl. 17:41]

Og þú komst ekki við hjá okkur í kvöldkaffi eftir þessa fantafínu ferð. Hnuss!

[Berglind Steinsdóttir, 29.8.2010 kl. 21:29]

Nei, og þú heppin, það var orðið svo dimmt að ég hélt að myndi enda í Keiluhöllinni!