Ljótu hálfvitarnir eru uppáhalds

Fullseint að plögga á þessu ári nema þið eigið eftir að fara til Færeyja í lok september en ég mæli þvílíkt hástöfum með tónleikum Ljótu hálfvitanna. Ég hló fyrir allt sumarið í gærkvöldi því að ekki aðeins syngja þeir og spila dáindisvel heldur segist þeim svo vel frá sönnum og lognum atburðum. Sævar er í essinu sínu í nánd við hljóðnema. Og Oddur Bjarni á a.m.k. þúsund svipbrigði. Ég gæti hugsað mér að mæta í messu hjá honum ef hann klárar guðfræðina og fær brauð.