Flugfreyjur og Airwaves

Mikið svakalega er ég fegin að flugfreyjur og viðsemjendur virðast hafa komið sér saman. Virðast, segi ég því að ég þykist hafa heyrt það í útvarpinu en nú finn ég enga frétt um það. Hins vegar man ég að ég heyrði viðtal við Grím sem skipuleggur Iceland Airwaves og hann var alveg bit á því hvernig verkfallið myndi bitna á tónlistarhátíðinni hans. Já, sammála því, en það er nú eðli margra verkfalla að bitna á þriðja aðila.

En ég vona að ég hafi tekið rétt eftir, að samningar hafi tekist og verkfalli aflýst. Það væri hrikalegt fyrir orðspor okkar allra ef menn kæmust ekki til landsins.

Og best að setja Mugison beint frá býli í geislaspilarann ...

Athugasemdir

[Hrafnhildur (IP-tala skráð) 6.10.2011 kl. 21:47]

Ég þarf að muna að skila þökkunum til Þorbjargar næst þegar ég hitti hana ;o)

[Berglind Steinsdóttir, 6.10.2011 kl. 23:18]

Já, og til Antons líka því að hann sagðist hafa kolfellt hinn samninginn.

[Erla (IP-tala skráð) 7.10.2011 kl. 11:27]

Verkföll lenda ALlTAF á þriðja aðila!

Mugison er frábær - fannst gaman að geta keypt diskinn "beint frá býli".  Finnst eins og ég hafi séð hann kallaðan tónlistabónda í einhverju blaðinu.  Frábært framtak.