Étinrexa

Manni er nú umhugað um íslenska tungu, framþróun hennar og fjölbreytileika. Ekki vil ég að hún staðni og tréni eins og uppþornuð vefsíða. Ég fékk í morgun tækifæri til að rifja upp hina góðu sögn étinrexa sem varð til í skrafli nýlega. Merkingin er augljós, að gera veður út af matnum sem manni er gert að borða í mötuneytinu, á oftast við um matvönd börn.

Ég sé nú að orðið myndi gera sig engu minna gildandi í fimbulfambi.

Athugasemdir

[Kjartan Hallur (IP-tala skráð) 20.2.2007 kl. 22:25]

Var alveg útilokað að skrifa: tréexina

[Berglind Steinsdóttir, 20.2.2007 kl. 23:24]

Hvaða hvaða, metnaðurinn var bara alla lifandi að drepa. Í sama skrafli bjuggum við til sögnina nördahopa sem merkir - augljóslega - þann sem dregur sig að óþörfu í hlé. Svona eru þessir opnu orðflokkar, téhéhé, bjóða étinrexandi nördahopara velkomna.