2,8% inn, 3,5% út?

Kjarasamningurinn frá 21. desember var kynntur fyrir leiðsögumönnum í gærkvöldi. Hann var gerður í samfloti með fjölmörgum öðrum innan vébanda ASÍ, er alveg kylliflatur upp á 2,8% handa öllum, ekki hlustað á sérkröfur, ekki litið við rökum, það hunsað að ferðaþjónustan er orðin burðarstoð undir efnahagnum í landinu og skilar fúlgum fjár.

Hvað gera menn þegar ekki er hlustað á rök og staðreyndir virtar að vettugi? 

Athugasemdir

[Gunnar Heiðarsson, 10.1.2014 kl. 08:27]

Þessu er fljótsvarað Berglind. Þegar ekki er á mann hlustað og staðreyndir virtar að vettugi, þá afþakkar maður það sem hrokagikkurinn býður.

[Berglind Steinsdóttir, 10.1.2014 kl. 19:13]

Og hvað gerist þá? Hrokagikkurinn lærir ekki af biturri reynslu ef enginn stendur með manni þegar maður afþakkar boðið. Menn þurfa að standa saman. Gera launþegar það?