Atferli fólks í sundi ... er misgott

Ég fer oft í sund og syndi. Mér finnst ekkert rosalega frekt af mér að vilja fá að synda á braut í sundlauginni. Sumum finnst greinilega ekkert frekt að skjótast inn í brautina rétt fyrir framan mig og synda á ... skjaldbökuhraða. Í gær var ég næstum búin að stíma á óæðri endann á manneskjunni. Það hefði ekki verið gaman fyrir hana heldur.  

Ég er með hugmynd að lausn: Fjölgum sundlaugunum, en byrjum á því að stækka sundlaugina við Barónsstíginn. Fáum útilaug til viðbótar við innilaugina. Þar er pláss og þar vantar tilfinnanlega fleiri sundbrautir. Vilhjálmur Vilhjálmsson má eiga hugmyndina með mér.

 Þegar ég er búin að láta svona í ljósi gremju mína yfir atferli fólks í laugunum – þetta er nefnilega ekkert óalgengt – verð ég að segja að mér fannst laugin á Dalvík mjög skemmtileg þegar ég fór í hana fyrir löngu. Þar var spiluð tónlist! Mér finnst sérlega gaman að fara í sund þegar ég er utan Reykjavíkur. Hvernig ætli laugin sé annars á Reyðarfirði? Ég þarf að gá í því í sumar hvort þar er laug yfirleitt.

Athugasemdir

[hrafnhildur (IP-tala skráð) 17.4.2007 kl. 13:21]

Held að það sé ekki laug á Reyðarfirði en það er "Efna"laug á Eskifirði sem ég mæli með  

[Berglind Steinsdóttir, 17.4.2007 kl. 20:13]

Ahhahahaha, ég þorði einmitt ekki að nefna Eskifjörð.