Vilja Íslendingar ekki spila á harmonikku?

Nei, ég hef ekki mikla skoðun á komu Rúmenanna, ég held að ég skilji bara ekki hvernig þeim datt í hug að það væri eftir einhverju að slægjast hér í kuldanum.

En menn tala um að Íslendingar vilji ekki vinna við umönnunarstörf, ekki í fiski, ekki í þjónustustörfum - þannig að miðað við það hlýt ég að álykta að við viljum ekki spila á hljóðfæri á götuhornum Laugavegarins og þess vegna fylli útlendingar það meinta skarð.

En svo undarlegt sem það er hefur enginn heyrt að menn vilji ekki vinna við að taka frá okkur ruslið. Er það svona frábært starf - eða bara nógu vel borgað og með hentugan vinnutíma?

Athugasemdir

[Berglind Steinsdóttir, 9.5.2007 kl. 20:45]

Nógu var hann flinkur að spila, þessi sem ég heyrði í, vafalaust gæti hann fengið vinnu við að halda uppi stuðinu á böllum. En voru þeir að betla hreint og klárt? Sumir segja það.

[Hrafnhildur (IP-tala skráð) 9.5.2007 kl. 21:57]

Var KK kannski betlari. Ég hef oft heyrt talað um hann sem götutónlistarmann ;o)

[Berglind Steinsdóttir, 9.5.2007 kl. 22:10]

Nú ert þú komin í samanburðinn á eplinu og appelsínunni, sennilega viljandi. Ég sá og heyrði bara þennan eina sem þandi nikkuna - hvar voru hinir Rúmenarnir? Voru þeir kannski að betla?

Annars er sama hvernig á er litið, ég skil ekki hvað þeir vildu hingað í götukuldann.