Misjafnt hafast menn að

Fyrsta frétt á Stöð 2 í gærkvöldi var um kvótakerfið og játningar Jakobs Kristinssonar um kvótasvindl. Fyrsta frétt á RÚV var um fyrsta gervihjartað sem grætt hefur verið í manneskju á Íslandi.

Þessar fréttir voru báðar bara á annarri stöðinni.

Róður manns þyngist sífellt, maður verður augljóslega að fylgjast með á báðum vígstöðvum - og víðar.

Athugasemdir

[Þórður Ingi Bjarnason, 10.5.2007 kl. 12:58]

Miðað við þetta þá erum við sem náum aðeins ruv og fáum útvarpsrásum aðeins rás 1 og 2 að sjá bara hluta af þeim fréttum sem eru í gangi.

[Sigurgeir Orri (IP-tala skráð) 10.5.2007 kl. 13:04]

Undanfarnar 5 kosningar hafa snúist um kvótakerfið. Í fyrsta skipti sem þær gera það ekki, reynir Stöð tvö hvað hún getur að troða því á dagskrá. Við Þórð vil ég segja þetta: Þórður, þú hefur greinilega netið, svo þú færð allar þær fréttir sem eru í gangi og eru FRÉTTNÆMAR.

[Berglind Steinsdóttir, 10.5.2007 kl. 14:59]

Og hvað, Orri, hefur ekki verið fjallað um jafnréttismál lengur en við munum og samt eiga menn nokkuð í land? Eru kjaramál eitthvað sem menn eiga að hætta að tala um þegar á móti blæs? Hefðu svertingjar átt að hætta að krefjast sömu kjara þegar þeir höfðu vindinn í fangið? Hefði Rósa Parks aldrei átt að sitja sem fastast í strætó?

Eða hvað meinarðu þegar þú setur upp þennan snúð?

Og þó að Þórður hafi netið gætu verið einhverjir aðrir að Hólum sem hafa það ekki.

[Þórður Ingi Bjarnason, 10.5.2007 kl. 16:33]

Hér á Hólum er það þannig að við meigum ekki horfa á fréttir í gegnum netið. Hér er ekki boðið upp á adsl tengingu svo við erum með tengingu í gegnum skólan og því eru allir sem búa á hólum á sama kerfinu.  Þess vegna má ekki horfa á sjónvarp eða hlusta á útvarp í gegnum netið. 

[Berglind Steinsdóttir, 10.5.2007 kl. 23:28]

Þvílíkt. Megið þið ekki nota netið fyrir fjölmiðlana vegna þess að álagið verði of mikið - eða er þetta ritskoðun? Einhvers staðar var ég í vikunni að tala um fjarskipti og okkur skildist að þau væru góð úti á landi líka (eins og á höfuðborgarsvæðinu), það vantaði miklu fremur almennilega vegi. En það er sem sagt pottur brotinn í fjarskiptum líka??

[Berglind Steinsdóttir, 11.5.2007 kl. 07:56]

Mee, ég man líka eftir mömmu úr Snæbirni - en við mamma vitum ekki hver þú ert ... þótt ég hafi gáð á síðuna þína, hmm. Ég hringdi strax í hana til að spyrja hana um samviskuna ... Hún kannski áttar sig ef ég sýni henni myndina, hmmm.

[Þórður Ingi Bjarnason, 11.5.2007 kl. 09:53]

Landsbyggðin er ekki vel tengd.  Þeir sveitabæir sem eru hér fyrir utna skólasvæðið ná ekki tengingu nema gegnum símalínu með gamla modeminu.  Hér á Hólum er netið nokkuð hraðvirt þó að þegar margir eru að vinna í einu þá getur það verið skelfilega hægvirt.  Ef við vörum inn á þungarsýður og erum lengi inn á þeim þá er lokað á okkur.  Hér starfar einn aðili sem sér um tölvumál og ef honum finnst við vera gera hluti sem ekki eru æskilegri þá lokar hann á viðkomandi.  Hann getur fylst með hryfingu hjá hverjum fyrir sig hvað hver talva er að skoða þungar sýður.  Þetta er það sem landbyggðinn þarf að þola við.