Tveggja-tinda-ganga gærdagsins lukkaðist

Aðalatriði göngunnar í gær:

10 manns komust saman upp á bæði Sandfell og Geitfell við Þrengslaafleggjara í gær.

Ég hruflaði mig á sköflungnum og mér blæddi eins og ég hefði verið í Kabúl nýlega.

Við fundum berin sem Vigdís hafði ekki klárað um helgina.

Dejan tíndi 169 ber í 40 lítra poka.

Hljóðið í bíl Eiríks var sérkennilegt á bakaleiðinni.

Ragnar, Dejan, Guðný, Erna, Þorbjörg, Sigurlín, Viggó, Eiríkur (Álfhildur í hvarfi).

Jafnvel mosinn veðrast.

Ölfusárbrúin sást vel, og Vestmannaeyjar sáust um tíma.

Það var eins og ég hefði verið leidd til slátrunar á legg.

Eiríkur var óvenjulega vel búinn í þessari fjallgöngu.

Við höldum að hér sé misgengi í Geitfelli.

Þessi hrúga markar upphafið að berjaáhuga Dejans. Nú má búast við að hann komi með bláberjapæ í næstu fjallgöngur.

Athugasemdir

[Steingerður Steinarsdóttir, 15.8.2007 kl. 11:19]

Vona að hnéð jafni sig. Þetta er til marks um hörku og ósérhlífni íslenskra kvenna. Áfram stelpur!

[Steingerður Steinarsdóttir, 15.8.2007 kl. 11:20]

Úps þetta átti að vera sköflungur. Þetta var eitthvað svo hnéleg mynd.

[Berglind Steinsdóttir, 15.8.2007 kl. 15:12]

Hva, skráman er svo nálægt hnénu að það dugir vel, hehe.