Aumingja fasteignasalarnir

Það er ekki hægt annað en að vorkenna fasteignasölunum sem reyna hvað þeir geta að selja manni íbúðir þar sem fermetrinn er verðlagður á 350.000 krónur. Samúð mín er óskipt og þess vegna sýni ég því takmarkalausan skilning að þeir geti sjaldnast svarað spurningum mínum, eins og þeim hvernig parket sé á gólfunum, í hvaða átt svalirnar snúi, hver hússjóðurinn sé eða hvort íbúðinni fylgi geymsla. Huggun mín felst líka í því að svörin er yfirleitt að finna í gögnunum sem manni eru rétt - og útbúin af fasteignasölunum sem vita ekki svörin.

Ég er nefnilega að skoða um þessar mundir.

Athugasemdir

[Hrafnhildur (IP-tala skráð) 21.8.2007 kl. 09:52]

Var að upplifa sölu á fimmtíuogþremurfermetrum við Grettisgötu á fimmtánkommaþrjár. Allir aðstandendur íbúðarinnar eru sjokkeraðir á upphæðinni en það tók 4 daga að selja íbúðina.

[Sigurgeir Orri Sigurgeirsson, 22.8.2007 kl. 10:42]

Varkár vertu í viðskiptum við fasteignasala. Ekki versla við Valhöll til að mynda. Mín reynsla af þeim er ömurleg.