Undirbúningur að veisluhöldum

Það verður garðveisla - og veðrið verður gott - annað kvöld. Helsta áhyggjuefni brúðgumans er að óvandaðir renni á hljóðið (það verður hljómsveit) og ætli að smygla sér í boðið. Ég hef boðist til að vera varðhundur, ganga um og spyrja: Hvort þeirra þekkirðu? ásamt því að segja í sífellu: Það er smáhalli í grasinu, passið ykkur á stögunum og kamarinn er þarna til suðausturs. Eftir veisluna verður moltutunnan sett yfir hauginn, hehe.

Í gær tók ég nokkrar myndir, var við heimildamyndagerð meðan aðrir lyftu tjöldum og mátuðu súlur.

Hér er tjaldhiminninn útbreiddur nokkuð.

Og hér lengra til vesturs.

Marín, Snorri, Laufey og Þorgerður leggja gjörva hönd á plóg.

 

 

 

 

 

Það þarf að styðja súlurnar, jájá.

Það er eins og mig minni að þetta hafi farið að gerast meðan ég var send í Melabúðina.

Ef einhverjum skyldi verða brátt í ... . Nei, djók, þá sendum við fólk í næstu hús. Svo er sjoppa við hliðina - til vesturs.

Stögunum er komið fyrir alls staðar, líka þar sem það er ekki hægt.

Og við gætum þess að innan tjaldsins verði þessi fína runnaskreyting. En hljómsveitin ...?

Allir inn að borða pulsur, úr skónum á meðan, nema hvað.

En upp fóru tjaldveggirnir þótt pulsugengið vildi helst ekki upp úr meltunni.

Og svona mun það líta út annað kvöld, dimmt og ókennilegt, múhhahaha.

Athugasemdir

[Hrafnhildur (IP-tala skráð) 31.8.2007 kl. 16:31]

Æ hvað það er gott að eiga góða að, margar hendur vinna létt verk og svo framvegis.

[Berglind Steinsdóttir, 31.8.2007 kl. 19:21]

Já, og til allrar hamingju var verkfræðiþekkingin leyst úr viðjum Snorra - því að enginn var landfræðingurinn!

[Kristín M. Jóhannsdóttir, 1.9.2007 kl. 18:11]

En hver er að fara að gifta sig?

[Berglind Steinsdóttir, 2.9.2007 kl. 12:19]

Marín - en þau giftu sig reyndar 12. júlí, ákváðu bara að segja engum frá því þá af því að Marín þóttist ekki vilja láta gæsa sig. Eins og við hefðum einhvern tímann gert henni grikk ... Svo var partíið, ekki veislan skv. kortinu, í garðinum þeirra í gærkvöldi. Og máttur minn er svo mikill, hehe, að það stytti upp kl. 19 (enda trúarhiti minn óvenjulegur þegar kemur að álfum og ásum).