Leiklistardómar(ar)

Nú mætti rota mig með fjöðurstaf. Í þremur blöðum eru í dag dómar um Höllu og Kára sem ég sá á sunnudag. Sýningin olli mér vonbrigðum, einkum fyrir að vera klisjukennd og laus við nýstárleika. Þá meina ég fyrst og fremst handritið. Ég get vel fallist á að leikurinn hafi verið nokkuð góður og einkum var gaman að sjá til Vigdísar Hrefnu Pálsdóttur sem ég komst að í dag að væri dóttir Páls Baldvins Baldvinssonar.

Tveir af þremur dómurum eru mjög hrifnir af stykkinu og þá held ég að þau hljóti að hafa verið á annarri leiksýningu en ég. Á minni sýningu var Jón Valur Jónsson og við vorum grátlega sammála um skort á gæðum. Ef elsku Hafnarfjarðarleikhúsið sem hefur í áranna rás átt stórkostlega - og nýstárlega - spretti, t.d. ógleymanlegt Himnaríki, Sellófan, Síðasta bæinn í dalnum, ætlar að gera sér vonir um frekari styrki þarf það að taka sig á. Sessunautar mínir voru sammála mér, ætli bara við höfum séð í gegnum klisjurnar um neysluhyggjuna, sjónvarpssölumanninn, fátæka þjófinn og draumsýn útlendinga?

Ég vona að enginn komi með fjöðurstafinn og slái mig í hausinn, ég á svo margt ógert í kvöld.

Athugasemdir

[Marín (IP-tala skráð) 30.1.2008 kl. 21:04]

Já þessir dómar voru ekki beint samstíga.  Las þá sem birtust í DV og Fréttablaði, heyrði síðan af lofsamlegum dómi í Mogga, en þar er nú allt svo skrýtið þessa dagana, hahaha. 

[Berglind Steinsdóttir, 30.1.2008 kl. 22:56]

Hvað er skrýtnara við Moggann þessa daga en aðra daga? Ég fletti honum alltaf, en stundum geri ég reyndar ekki miklu meira en það.

[Hrafnhildur (IP-tala skráð) 31.1.2008 kl. 15:55]

Jón Viðar er minn maður, kvitta undir allt hans. Mjöööög sammála.

Habbs

[Berglind Steinsdóttir, 31.1.2008 kl. 16:02]

Ég hef aldrei tekið ekki mark á Jóni Viðari, þvert á móti stutt hann í hljóði. Nauðsynlegt að menn segi sannfæringu sína. Núna er ég enn sannfærðari um sannfæringu hans - nema hann var kannski í það mildasta.