Skemmtileg myndabók

Ég eignaðist myndabók í kvöld sem ég hef blaðað í síðasta klukkutímann eða svo. Gamall samháskælingur minn og bloggvinur, Sigurgeir Orri, á hluta af heiðri kápunnar. Sá heiður er mikill því að kápan er firnaflott. Ég gratúlera, Orri.

Og bókin - skemmtilesning sem ég hefði viljað setja kommupúkann á. Myndirnar tala og tala og tala ... hins vegar. Myndefnið til 60 ára er auðþekkjanlegt allan tímann.

Ég er að reyna að tala í gátum en held að þær séu of auðleystar samt.

Athugasemdir

[Lára Hanna Einarsdóttir, 30.1.2008 kl. 22:51]

Hmmm...  Melaskólinn 60 ára? Veit ekki hver gerði kápuna og hef ekki talið kommurnar samt...

[Berglind Steinsdóttir, 30.1.2008 kl. 22:53]

Nei, ekki Melaskólinn, samt nærsveitungur, hmm ... Skerfirðingur held ég að óhætt sé að segja.

[Steingerður Steinarsdóttir, 31.1.2008 kl. 09:51]

Þessi gáta er of flókin fyrir mig.

[Lára Hanna Einarsdóttir, 31.1.2008 kl. 10:19]

Það er að minnsta kosti enginn skóli í Skerjafirði, held ég. Flugfélag Ísland? Háskólinn jaðrar við að vera í Skerjafirði en hann er að verða 100 ára og gamla byggingin er ekki orðin 60.

Hmmm...  ég held ég segi eins og Steingerður - of flókið fyrir mig.

[Berglind Steinsdóttir, 31.1.2008 kl. 13:14]

Þið eruð skemmtilegar, ekki er um að ræða byggingu ...

[Lára Hanna Einarsdóttir, 31.1.2008 kl. 13:36]

Nú fatta ég! Og þótt fyrr hefði verið sbr. þessa færslu. Þetta er myndabók um DO eftir HHG.

[Berglind Steinsdóttir, 31.1.2008 kl. 16:10]

Ég á reyndar eftir að segja Orra (sem ég hitti aldrei) að fyrra nafnið hans hafi verið vitlaust skrifað þannig að kannski hefði mátt prófarkalesa meira en kommurnar. Ég á líka eftir að lesa tabúluna með stækkunargleri, hehe.

Það var gaman að sjá HHG í kremgulum jakkafötum, ÞD 11 ára að stúdera landafræði og GHH dauðans alvarlegan að taka við inspector scholae titlinum í MR. Þegar ég verð sextug vona ég að vinir mínir taki saman myndabók um mig. Ég geri samt ekki kröfu um að vinaklíkan mín verði heil félagasamtök ... Kannski stéttarfélag samt??