Heyrt á Bylgjunni í morgunsárið

Spurt: Finnst þér laun kennara nógu há?

Svarað: Mér finnst margar stéttir of illa launaðar.

Spurt: Finnst þér verjandi að börn fái ekki lögbundna kennslu?

Svarað: Mér finnst ekki gott að gamalt fólk fái ekki umönnun.

Spurt: Hvað finnst þér um að kennarar sem eru að útskrifast vilja frekar halda áfram í námi en fara í illa launaða kennslu?

Svarað: Kannski eru námslánin orðin of góð.

Spurt: Finnst þér í lagi að fólk hrökklist úr kennslu til að vinna við afgreiðslu í bönkum?

Svarað: Þetta er þensla. Viljið þið frekar 10% atvinnuleysi eins og víða er í Evrópu?

---

Endurtakist í tilbrigðum eftir þörfum í 10 mínútur. Ég hafði áhyggjur af að Heimir Karlsson spryngi í loft upp og þá hefði verið grátið á mínu heimili. Eftir fáum útvarpsmönnum sæi ég meira en Heimi.

Athugasemdir

[Ásinn (IP-tala skráð) 14.2.2008 kl. 08:50]

Maðurinn sem svarar hefur fyrir löngu sýnt það og sannað að hann er algjört fífl!

[Hrafnhildur (IP-tala skráð) 14.2.2008 kl. 09:05]

...og við hvern var rætt ?

[Lára Hanna Einarsdóttir, 14.2.2008 kl. 09:40]

Hver var þetta eiginlega, Berglind? 

[Steingerður Steinarsdóttir, 14.2.2008 kl. 09:43]

Drottinn minn, hvaða fáviti var í viðtali þarna.

[Berglind Steinsdóttir, 14.2.2008 kl. 12:42]

Aftur hélt ég að gátan væri of létt. Hann er alla fimmtudagsmorgna kl. 7:40-7:55 ... og við annan mann. Skýrast línur?

[Lára Hanna Einarsdóttir, 14.2.2008 kl. 12:48]

Nei, engar línur skýrast - ég hlusta aldrei á Bylgjuna. En ég kíkti í dagskrána þeirra á netinu og sá að þetta hlýtur að hafa verið snillingurinn Pétur Blöndal. Ena alveg í hans stíl. Ekki satt?

[Berglind Steinsdóttir, 14.2.2008 kl. 17:24]

Satt!