Þetta er ígildi auglýsingar - neikvæðrar??

Þar sem ég er gefin fyrir ís - og nú er byrjað að hlýna - stökk ég á hugmyndina um nýjan sælgætisís frá Nóa-Síríus og kippti einum Pippís með í Bónus í gær. Hann kostaði (minnir mig) 339 kr., mögulega allt að 379 (ég finn ekki strimilinn).

Mér þótti hann bragðast of mikið eins og piparmynta.

Svo lá leið mín í hús í grennd við Nóatún í dag og ég ákvað að prófa annað bragð, Bananasprengjuís. Sama magn af honum kostaði 589 kr. (ég á enn strimilinn). Hugsanlega er hann dýrari í framleiðslu - annars er verðmunurinn aðeins of mikill milli verslana.

Ekki undir 50% verðmun. Huggun er að ísinn mæltist vel fyrir.

Athugasemdir

[Erla (IP-tala skráð) 20.2.2008 kl. 17:24]

Trompísinn er rosagóður.

[Berglind Steinsdóttir, 20.2.2008 kl. 18:12]

Enda verð ég að prófa hann fljótlega - í þessari blíðu!

[Berglind Steinsdóttir, 20.2.2008 kl. 19:14]

Drollaði ekki lengi, hann kostar 396 kr. í Krónunni. Ræræræ.