Handtöskuserían

Stílbrot er lítil bókaútgáfa sem Sif Sigmarsdóttir heldur úti. Metnaður hennar stendur til þess að gefa út vandaðar metsölubækur sem hún þefar uppi í London þar sem hún heldur til þessi misserin. Mér er málið skylt að því leyti til að ég var að prófarkalesa nýjustu bókina sem kemur út í Handtöskuseríunni, Brick Lane eftir Monicu Ali frá Bangladess.

Brick Lane er gatan sem sagan hnitast um. Nazneen er frá Bangladess, gift samlenskum manni en þau búa í London. Hún hlutaðist ekki til um hjónabandið, heldur var það ákveðið af öðrum í fjölskyldunni að múslimskum sið. Þar sem þau hjónin búa fjarri heimalandinu er hins vegar óhjákvæmilegt að þau dragi dám af kringumstæðum sínum, einkum þar sem fyrirhuguð „heimför“ dregst á langinn. Og þegar líður að bókarlokum dregur verulega til tíðinda ...

Athugasemdir

[Guðríður Hrefna Haraldsdóttir, 4.3.2008 kl. 21:17]

Vá, þessi bók virkar skemmtileg!!!

[Berglind Steinsdóttir, 4.3.2008 kl. 21:30]

Þú ert í markhópnum!

[Lára Hanna Einarsdóttir, 4.3.2008 kl. 21:51]

Hlýtur að vera góð. Hver þýddi?

[Berglind Steinsdóttir, 4.3.2008 kl. 22:09]

Þór Tryggvason heitir hann. Það eina sem ég veit til þess að hann hafi þýtt skáldsagnakyns er Kona tímaflakkarans sem líka var gefin út af Stílbroti.

[Þorgerður Laufey Diðriksdóttir, 5.3.2008 kl. 10:38]

Skiptir máli að konur séu í áhrifastöðum?

Fjölkvennum á fund á NASA við Austurvöll laugardaginn 8.mars 2008 klukkan 17:00

[Margrét Einarsdóttir (IP-tala skráð) 5.3.2008 kl. 12:09]

virkar áhugaverð þessi bók. ég reyndar "gafst upp" á konu tímaflakkarans,.. og það gerist nú ekki oft að ég klára ekki bók.

kv.

[Berglind Steinsdóttir, 5.3.2008 kl. 21:31]

Mér leiddist nú ekki Kona tímaflakkarans og fannst plottið ganga vel upp. Endirinn fannst mér líka sérlega áhrifaríkur.