Ingó vörtubani tekur til máls og grípur til aðgerða

Ingó Werschofen tjáir sig um vörður á heimasíðu Félags leiðsögumanna og ég verð víst að viðurkenna að þær hafa ekki pirrað mig eins og hann, og allra síst - verð ég að viðurkenna - vissi ég að þær væru óheimilar skv. bæklingi Umhverfisstofnunar. Mér hafa þótt þær lýti og ég segi ferðamönnum frá þessum plagsið þegar tækifæri gefast en héðan í frá mun ég vera enn meira á varðbergi.

Athugasemdir

[Lára Hanna Einarsdóttir, 27.8.2008 kl. 00:59]

Þessi vitneskja um að þetta sé bannað var einhvers staðar í undirmeðvitundinni hjá mér. Ég vissi það en hef aldrei hlaðið vörðu sjálf og það hefur aldrei hvarflað að mér.

Ég hef heldur aldrei þurft að slá á putta farþeganna minna og aldrei orðið vitni að því að aðrir túristar geri þetta. En þessar nútímavörður fara mjög í taugarnar á mér og ég yrði örugglega fljót til að benda fólki á að þetta sé bannað.

Fyrir utan sjónmengun og fíflaskap er þetta ekki náttúruvænt eins og Ingó bendir réttilega á í greininni sinni.

[Berglind Steinsdóttir, 27.8.2008 kl. 08:02]

Mér finnst líka svo fyndið að hann kalli þær vörtur, þetta verður svo líkamlegt. En áhugaleysi þjóðgarðsstarfsmannanna rennur mér til rifja - hvert er hlutverk þeirra, að standa vörð um náttúruna eða selja fleiri geisladiska? Maður spyr.

[Edda (IP-tala skráð) 28.8.2008 kl. 00:34]

Stelpur... hvað eruð þið að tala um??     !!!

[Berglind Steinsdóttir, 28.8.2008 kl. 01:04]

Edda mín, hvað er það sem þú skilur ekki? Heldurðu að þetta sé dulmál kannski, hehe?

[Elísabet (IP-tala skráð) 4.9.2008 kl. 16:36]

ég man ekki betur en að hún Kristbjörg hafi rætt um þetta í skólanum einhvern tímann, alla vega heyrði ég þetta þar á sínum tíma og þetta stingur mig í augun.