Skotar komu, Skotar fara, gaman á milli

Frasinn í fyrirsögninni er í grundvallaratriðum stolinn en sá sem ég stel honum frá man sjálfsagt ekki þessa ágætu gestabókarfærslu þannig að ég eigna mér hann bara, a.m.k. það að muna hann. Og hvað Skotana varðar er vissulega búið að vera mikið stuð í kringum þá. Ég gekk upp og niður Laugaveginn fyrir tilviljun á sama tíma og þeir áttu leið um hann. Eitthvað var fátt um fína drætti og athyglin var ómæld, hehe. Gaman að því. Svo auka þeir hagvöxtinn þannig að megi þeir koma sem oftast. 

Og hverjum er ekki sama um 2-0?

Athugasemdir

[Hrafnhildur (IP-tala skráð) 11.9.2008 kl. 08:42]

Uhhh það var sko 1-2.

[Berglind Steinsdóttir, 11.9.2008 kl. 08:58]

Uss, og ég horfði m.a.s. á lokamínútur leiksins ... athyglisgáfan eitthvað skert, *geisp*. Skoraði Eiður?

[Hrafnhidlur (IP-tala skráð) 11.9.2008 kl. 11:04]

Já var það ekki. Annars horfði ég ekki á leikinn en dáðist þeim mun meira af hraustum skotum sem löbbuðu um bæinn í gær berleggjaðir og í stuttermabolum.

Hvernig er annars sk reglan með skota, eru þeir alltaf skrifaðir með litlum staf ?

[Berglind Steinsdóttir, 11.9.2008 kl. 12:36]

Nei, bara skoskur með litlum.

[Hrafnhildur (IP-tala skráð) 11.9.2008 kl. 13:06]

Þetta var brandari  

[Berglind Steinsdóttir, 11.9.2008 kl. 13:44]

Heyrðirðu mig ekki hlæja?