AF HVERJU Á ÉG AÐ GJALDA FYRIR ÚTRÁS ÞOTULIÐSINS?

Engum, ekki einu sinni viðskiptaráðherra, tekst nú að telja mér trú um að fasteignarsjóðurinn minn standi óbrenglaður. Og við erum mörg í þeim sporum að tapa. Við erum mörg sem höfum ekkert til þess unnið. Og við viljum ekki lengur sjá til.

-Lækka stýrivexti.

-Frysta eignir höfðingjanna.

-Hætta að ögra vinum og óvinum með gáleysislegu hjali.

-Hætta að hlaða undir fólk sem kveður hálfkveðnar vísur og flissar að sjálfu sér.

Þetta er ekkert grín og algjör óþarfi að hafa heill og hamingju fólks í flimtingum.

Athugasemdir

[Þórður Ingi Bjarnason, 9.10.2008 kl. 08:40]

Það þarf að lækka stýrivexti strax

Svo hafa bankastjórar alltaf sagt að þeir séu á ofurlaunum þar sem þeirra ábyrgð sé mikill.  Er ekki komið tími til að reina á þessa ábyrgð á láta þá borga til baka allar þá milljarða sem þeir hafa tekið úr bankanum þar sem þeir voru að fá borgað fyrir áhættu. 

[Lára Hanna Einarsdóttir, 9.10.2008 kl. 10:15]

Tek undir þetta - nema ég átta mig ekki á hvern þú ert að tala um með hálfkveðnu vísurnar og flissið.

[Berglind Steinsdóttir, 9.10.2008 kl. 10:20]

„Aldrei hef ég svarað þessum mönnum ...“. Jæja, kannski var þetta fullkveðin vísa, en hann lætur alltaf eins og hann sé saklaus himnasending sem engum vilji illt.

[Lára Hanna Einarsdóttir, 9.10.2008 kl. 10:41]

Aha, nú skil ég!