Eiríkur Bergmann hækkaði á mér risið

Vörn og sókn Eiríks Bergmanns í Guardian gerði mig aftur stolta af því sem við eigum. Hann svarar breskum árásum fullum hálsi með rökum og í mestu vinsemd. Meira svona, takk, til að peppa okkur upp.

Ég heyrði í dag viðtal við íslenska konu sem býr í litlu bresku þorpi og hún vogaði sér ekki að leyfa níu ára gamalli dóttur sinni að vera úti að leika vegna ónota sem hún varð fyrir. Stelpan orðaði það svo að þetta „credit crunch“ hefði eyðilagt líf sitt.

Það er sannarlega ástæða til að Eiríkur skrifi fleiri beittar greinar.

Athugasemdir

[Sigurður Þórðarson, 15.10.2008 kl. 00:12]

Svona greinar eru því miður dropi í  haf ófrægingarherferðarinnar sem Gordon Clawn hefur hrundið af stað.  Ef við höfum áhuga á að laga PR ið er eina vonin að ná samkomulagi við stjórnarandstöðuna og leyfa henni að naga trúðinn.

[Berglind Steinsdóttir, 15.10.2008 kl. 00:27]

Var ekki einmitt breskur stjórnarandstöðuþingmaður að tala gegn aðgerðum Browns? Þetta á eftir að bíta, nú er stund bjartsýninnar (en lýkur kl. 1).

[Ásgerður (IP-tala skráð) 15.10.2008 kl. 09:48]

Ég hugsaði einmitt það sama og þú, Berglind, þegar ég sá grein Eiríks. Mjög flott grein. Og dropi er þó dropi...