Geirfuglarnir í blokkinni

Nýja uppáhaldshljómsveitin mín er Geirfuglarnir. Ég sá Fólkið í blokkinni í gærkvöldi og skil ekki að ég hafi ekki vitað að Freyr Eyjólfsson væri í þeirri hljómsveit. Vinnugleðin skein af honum eins og reyndar flestum í sýningunni og tónlistin var gamaldags skemmtileg.

Kannski vorum við svona móttækileg af því einu að samfélagið er ekki rakinn gleðigjafi þessa dagana, hmmm.

Sagan kollvarpar svo sem ekki skilningi mínum á lífinu, hún skemmti mér bara í umbúnaði sínum. Mér finnst gaman að hlæja.

Athugasemdir

[Erla (IP-tala skráð) 30.11.2008 kl. 16:17]

Mikið er ég sammála þér Berlgind mín.  Leikritið veitir ósvikna skemmtun og léttir lundina.  Vona að þú hafir fengið þægilegri stóla að sitja á en ég!

[Berglind Steinsdóttir, 30.11.2008 kl. 17:08]

Tjah, ég fékk sessulausan stól en herrann fékk vel bólstraðan. Bæði bera sig vel.

[Hrafnhildur (IP-tala skráð) 1.12.2008 kl. 08:38]

Hittir þú Eldey í leikhúsinu ?

[Hrafnhildur (IP-tala skráð) 1.12.2008 kl. 08:39]

... og ég gerði laufabrauð með Kjartani í gær.

[Berglind Steinsdóttir, 1.12.2008 kl. 08:49]

Nei, ég fór á sýninguna kl. 22 - ekki var Eldey þá? Var Kjartan til einhvers nýtur í skurðinum?

[Hrafnhildur (IP-tala skráð) 1.12.2008 kl. 12:29]

Nei nei, hún var á 19 sýningunni --- sá ekki betur en að Kjartan væri mjög fagmannlegur.

[Ásgerður (IP-tala skráð) 2.12.2008 kl. 10:31]

Geirfuglarnir eru æði! Ég á nokkra diska með þeim. Þú ert velkomin í heimsókn að hlusta á þá, Berglind mín, en svo hvet ég þig að kaupa diska með þeim!! (ég er ekki á prósentum - en ætti kannski að vera það! hmmm....)