Borgarar koma saman annað kvöld í Iðnó og fjalla um mótmæli/mótmælendur

 

OPINN BORGARAFUNDUR #7 í Iðnó fimmtudaginn 8. janúar kl. 20-22

Fundarefni:

Mótmæli (ólík viðhorf, ólíkar aðferðir, sömu markmið?), aðferðafræði mótmæla og borgaraleg óhlýðni.

Frummælendur:

• Hörður Torfason - „Raddir fólksins“
• Eva Hauksdóttir - aðgerðasinni
• Nafnlaus anarkisti
• Stefán Eiríksson - lögreglustjóri höfuðborgarsvæðisins

Auk þeirra munu a.m.k. Katrín Oddsdóttir, laganemi og talsmaður „Neyðarstjórnar kvenna“, Sigurlaug Ragnarsdóttir fyrir hönd „Nýrra tíma“ og Þórhallur Heimisson prestur taka þátt í pallborðsumræðum og svara spurningum viðstaddra.

Birni Bjarnasyni dómsmálaráðherra hefur sérstaklega verið boðin þátttaka í pallborðsumræðunum.

Spurulir og forvitnir borgarar eru hvattir til að mæta. Gunnar fundarstjóri hefur margsagt: Við erum viðmælendur.

Við biðjum um upplýsingar, gagnsæi og heiðarleika. Er það frekt?

Athugasemdir

[Katrín Linda Óskarsdóttir, 7.1.2009 kl. 22:23]

Hummmm ....  frummælendur:  Hörður Torfa, Eva Hauks og nafnlaus anarkisti ..... ok .. öll á sömu línu líklega??? ....  og síðan Stefán lögreglustjóri á móti þeim .... frekar ósanngjarnt finnst mér og til þess gert að aðeins mæti á þennan fund .. .vinstri sinnað fólk ......

[Sigurjón Þórðarson, 8.1.2009 kl. 00:02]

Katrín Linda, ég er sammála þér þetta eru allt argasta vinstrilið og þá sérstaklega Stefán Eiríksson lögreglustjóri sem tók undir með aðalritara VG, Steingrími J Sigfússyni um nauðsyn þess að stofna netlögreglu.

[Berglind Steinsdóttir, 8.1.2009 kl. 08:27]

Svona svona, hægrimenn eru ekkert hættir að hlusta.

[Rakel Sigurgeirsdóttir, 8.1.2009 kl. 14:26]

Ef vinstri sinnað fólk er annað orð yfir réttlætissinna þá er ég sátt en því miður á ég ekki einkaflugvél þannig að ég kemst ekki

Vona svo að fólk hætti þessum endalausu ástæðusparðatíningi fyrir því að sitja hjá og fjölmenni á fundinn. Það er full ástæða til að hlusta á hlið þessara einstaklinga líka. Mér skilst t.d. að mjög mörgum hafi fundist full ástæða til að hlusta á Bjarna Ármanns í Kastljósi. Ég skil ekki hvað réttlætir það að frekar á hlusta á hann en frummælendurna á borgarafundinum í kvöld.

[Ásgerður (IP-tala skráð) 8.1.2009 kl. 23:43]

Katrín Linda og Sigurjón. Þið hafið greinilega ekki verið að fylgjast með ef þið  haldið að anarkistinn og Hörður Torfa verði sammála.

Þetta bla bla um vinstri/hægri ... ég nenni ekki í það fyrr en ég hitti þig næst, Sigurjón.