Hver er Bilderberger-grúppan?

Nafnið flýgur sífellt fyrir og ég held að þessi hópur samanstandi af klíku háttsettustu manna heims. En af hverju er ég alltaf að heyra þetta nafn núna og aldrei áður? Hvað skrafa menn á þessum fundum? Hver stjórnar? Hver býður? Hverjum er boðið? Tala menn dulkóðað?

Athugasemdir

[Hilmar Gunnlaugsson, 7.3.2009 kl. 00:44]

Þessi hópur hefur í gegnum árin verið skotspónn misvitra samsæriskenningamanna. Ég efast um að eitthvað sé bruggað á fundunum enda sækja þá þjóðarleiðtogar lýðræðisríkja.

[Jón Steinar Ragnarsson, 7.3.2009 kl. 02:09]

Spurðu Björn Bjarnason og Davíð Oddson. Þeir hafa setið nokkra slíka fundi.

[Jón Steinar Ragnarsson, 7.3.2009 kl. 02:14]

Það er eðlilegt að menn verði tortryggnir, þegar þjóðarleiðtogar koma saman í óopinberum samtökum, sem ekkert hafa með opinbera eða alþjóðlega stjórnsýslu að gera, auk þess að vera sveipuð eru leynd.  Þetta eru samtök, sem ráða ráðum sínum um fjármál heimsins og bankastarfsemi m.a. án þess að vera opinber vettvangur, heldur vetvangur valdamestu manna í heimi.  Leiðtogar mæta þarna án þess að vera opinberir fulltrúar þjóða sinna.  Það fær hárin til að rísa á mér.

Legg til að þú googlir þetta bara og fræðist um málið.

[Berglind Steinsdóttir, 7.3.2009 kl. 09:04]

Ég reyndi einmitt að hnýsast í netið og sá m.a. hvaða Íslendingar höfðu verið á gestalistanum en finnst þetta enn svo dularfullt og veit ekki almennilega hvað mér á að finnast. Þetta er hvorki G8 né G20 - kannski eitthvað enn stærra? Taka menn ákvarðanir um þjóðarmorð þarna, eða hvað?