Truflun af klappliðunum á kosningafundum

Að horfa á kosningasjónvarp er góð skemmtun. Ég fylgdist spennt með útsendingunni frá Selfossi - og hefði poppað ef ég væri ekki nýbúin að brjóta jaxl - og fannst hann fínn, fólk er duglegt að spyrja hæfilega markvisst og gagnrýnið en mikið grefilli leiðast mér klappliðin. Það er eðlilegt og fínt ef fólk skellir upp úr þegar því er skemmt og klappar þá sjaldan svar er algjörlega stórkostlegt eða óvænt en gestir (les: klappliðin) settu í mörgum tilfellum sjálfstýringuna á.

Og ég kýs ekki einu sinni í Suðurkjördæmi ...

Athugasemdir

[Lára Hanna Einarsdóttir, 20.4.2009 kl. 22:12]

Mikið er ég innilega sammála þér, Berglind! Var einmitt að pirra mig á þessu þegar ég horfði á þáttinn.

En mikið svakalega leist mér vel á konuna frá Borgarahreyfingunni.  

[Berglind Steinsdóttir, 20.4.2009 kl. 22:44]

Ég þekki foreldra hennar (sagði Berglind, útbelgd af stolti, hehe).

Svo held ég að ég verði bara að mæta á Nasa á miðvikudaginn og púa á stuðningsliðin, öll. Ég vil að tímanum sé eytt í umræður, gagnrýnar og skynsamlegar spurningar og málefnaleg og skýr svör. Ég bið ekki um mikið, bara þetta. Skaðar ekki að menn segi eitthvað fyndið inn á milli, geri samt ekki kröfu um það.

[Sigurjón Þórðarson, 20.4.2009 kl. 22:46]

Það er pínu krampi í þessu liði.

[Berglind Steinsdóttir, 20.4.2009 kl. 23:23]

Meinarðu að klappið sé ósjálfráðar hreyfingar? Já, maður getur velt því fyrir sér. Reyndar dró heldur úr því þegar leið á fundinn, liðin hafa kannski fengið sér ópal.