Prósent vs. prósentustig

Þegar 50% hlutdeild minnkar um 10% fer hún ofan í 45%, þ.e. 10% af 50. Ef hlutdeildin minnkar um 10 prósentustig fer hún ofan í 40%. Þegar fólk talar um að krónan hafi veikst um 16% veit ég ekki hvort það notar prósentuna rétt eða eins og margir eru farnir að nota hana, vitlaust. Mjög ergilegt enda er reginmunur á þessu.

Nú er frétt á RÚV um kjörsóknartölur, m.a.

Í suðvesturkjördæmi eða kraganum höfðu, klukkan 15 í dag, 21.100 manns kosið eða rúm 36%. Það er 2% meira en í kosningunum árið 2007.

Hafi kjörsókn þá verið 34% (sem mig grunar að sé tilfellið) ætti hún núna að vera 34,68% (miðað við 2%) en ekki 36%. Svo leiðist mér líka þessi notkun samtengingarinnar eða.

Að öðru leyti hef ég það bara gott á kjördegi, ræræræ.

Athugasemdir

[Rakel Sigurgeirsdóttir, 27.4.2009 kl. 02:06]

Vona að þú hafir það líka gott núna daginn eftir kjördag, eða hvað?

[Berglind Steinsdóttir, 27.4.2009 kl. 07:32]

Hehe, fer eftir kjördæmum en, jú, heilt yfir anda ég með nefinu ... ræræræ.