Innlenda orku á farartækin!

Jóhannes Björn Lúðvíksson var að segja í Silfri Egils að við ættum að einbeita okkur að því að nota innlenda orku á vélar á Íslandi. Hann spáir gríðarlegri olíukreppu innan ekki margra ára og þá er brýnt að eiga ekkert undir slíkum innflutningi.

Orð hans hljómuðu eins og ómþýðasta tónlist í mínum eyrum. Auka sjálfbærnina, takk. Núna - þið heyrðuð hvað maðurinn sagði.

Athugasemdir

[Lára Hanna Einarsdóttir, 17.5.2009 kl. 14:08]

Og í sama Silfri sagði einn í Vettvangi dagsins að við ættum að byrja að undirbúa einkavæðingu Landsvirkjunar.

[Berglind Steinsdóttir, 17.5.2009 kl. 15:21]

Æ, ég heyrði bara suð um skuldirnar. En Sigrún Davíðs hlýtur að hafa verið á öndverðum meiði.

[Lára Hanna Einarsdóttir, 17.5.2009 kl. 17:18]

Sigrún fórnaði höndum... og ég líka!

[Berglind Steinsdóttir, 17.5.2009 kl. 20:59]

Ég lét prófarkalestur á ritgerð um skotthúfur og baldýringu ganga fyrir - verð að horfa á endursýninguna. Mun áreiðanlega fórna höndunum ...

[Lára Hanna Einarsdóttir, 17.5.2009 kl. 22:16]

Þú getur horft núna á blogginu hjá mér - var að Setja silfrið inn.

Ertu að prófarkalesa háskólaritgerðir?

[Berglind Steinsdóttir, 17.5.2009 kl. 23:41]

Já, núna, og heila skáldsögu fyrr í mánuðinum. Mér finnst þetta skemmtilegt en í dag hefði ég frekað viljað leika mér í sundi. Var rétt í þessu að klára að samræma neðanmálsgreinar, skáletra, setja í gæsalappir, gæta að blaðsíðutölum - senda!

[Berglind Steinsdóttir, 18.5.2009 kl. 00:09]

Hljóðið fór úr tölvunni þannig að ég get ekki hlustað á Silfrið. Það bætist á lista yfir ógerða hluti að ná aftur í hljóðið. Svo þarf ég að gefa blóð og fá nýtt battarí í fjarstýringuna með sjónvarpinu, taka út evrur (á evrureikning en reikna með að þurfa að slást fyrir peningunum mínum), fara til Brussel að kaupa föt til að mæta í í brúðkaup í Árósum. Og læra á PayPal.

Hrikalegir dagar framundan ... annir og svefnlausir dagar.