Gettu miklu betur

Nú er gósentíð framundan. Ég hef ævinlega haft góðan bifur (eins og við í klíkunni segjum gjarnan) á Gettu betur og vegna trygglyndis held ég alltaf með MS, bæði af því að ég var þar sjálf í skóla og vegna þess að ég kenndi þar líka í eitt ár.

Og nú er sem sagt Gettu betur byrjað að rúlla á Rás tvö. Kjörið að taka til á meðan maður hlustar - og svarar útvarpinu. Jájá, ég hefði getað svarað urmuli af spurningum. Spennt að vita hvernig ég stend mig í kvöld.

Athugasemdir

[Hrafnhildur (IP-tala skráð) 10.1.2007 kl. 15:15]

Alltaf gaman þegar gamlar trillukellur ræða um sjávarútveginn. Mér var alltaf kallt á höndunum í þá þrjá daga sem ég vann við að landa, þá tvo daga sem ég hreinsaði hörpudisk og vikurnar tvær sem ég pillaði rækju. Þó er minnisstæðast þegar það leið yfir mig. Þá uppgötvaði ég að færibandavinna á ekki við mig.

[Berglind Steinsdóttir, 11.1.2007 kl. 00:17]

Habbý, þú hlýtur að vera að vísa í sjálfa þig sem trillukerlingu - ekki mig? Ég man þá ósælu tíð þegar ég saltaði fisk á Dalvík í þrjá daga og hrökklaðist þá í burtu, ekki vegna kulda eða líkamlegrar vansældar heldur af tómum leiðindum. En mig langar alltaf til að spreyta mig á hásetanum. Langaði, ég held að ég sé ábyggilega fallin á tíma.