Engifer

Ég ætla ekki að borða í heila viku, í hádeginu borðaði ég svo góðan mat með engifer. Í forrétt fékk ég kjúklingasalat Bláa lónsins með engifer og í aðalrétt túnfisksteik - með engifer.

Félagsskapurinn var að vísu ekki eins áhugaverður og á föstudaginn þegar ég spjallaði við breskan gáfumann um Tony Blair, breska dagblaðaútgáfu og útlendinga í Bretlandi - yfir öndinni.

Ég þakka Laufeyju fyrir að kynna mig fyrir engifer á sínum tíma.        

Athugasemdir

[Kristín M. Jóhannsdóttir, 29.4.2007 kl. 19:51]

Jamm jamm. Já, engifer er góður. Annars bendi ég líka á cumin. Algjör snilld. Ég er búin að komast að því að cumin í uppskriftum skal fara með eins og hvítlauk: Setja helmingi meira en uppskriftin kveður á um.

[Berglind Steinsdóttir, 29.4.2007 kl. 21:06]

Já, og alls ekki nota kúmen!

[Kristín M. Jóhannsdóttir, 29.4.2007 kl. 23:20]

Alla vega ekki í uppskriftir sem krefjast cumin. Kúmen er auðvitað æðislegt í  kringlum!!!

[Berglind Steinsdóttir, 30.4.2007 kl. 08:17]

Ég var nefnilega næstum einu sinni búin að gera þau mistök með kjúklingarétt, téhé.

[Erla (IP-tala skráð) 30.4.2007 kl. 09:27]

Útstáelsi er þetta á þér!!  Ræddir þú eitthvað um mig - eða bara alvöru útlendinga hér i UK ;)

Sjáumst 9. júní - Erla Englendingur

[Laufey Einarsdóttir (IP-tala skráð) 30.4.2007 kl. 13:50]

En kannast lesendur við „engiferhvítlauk“?

[Berglind Steinsdóttir, 30.4.2007 kl. 13:58]

Nei, hins vegar engifersultu og rjómapiparrót - úr uppskrift sem ég þýddi í síðustu viku ... Og soðna eggjahvítu og fáfnisgras. Hvað með ykkur?

Og Erla, auðvitað talaði ég aðallega um þig og hvað ég hlakkaði til 9. júní þegar þú mætir í brúðkaupið hennar Ingu ... uvvita. Þessi tiltekni herramaður er frá eðalbænum Rugby og þar eru ekki svo margir útlendingar að þeir verði honum fjötur um fót, téhé.