Efnislínan í tölvupósti

Moli á blaðsíðu 8 í Fréttablaðinu talaði svo beint til mín rétt í þessu. Blaðamaður talar um fréttatilkynningar sem fyrirtæki senda fjölmiðlum og sem eru bara titlaðar fréttatilkynning. Efnislínan (subject) í tölvupóstinum á einmitt að segja manni um hvað málið snýst, bæði þegar maður fær póstinn og svo getur ekki síður reynt á það seinna þegar maður þarf að finna upplýsingar í texta sem manni hefur verið sendur.

Þetta á líka við um persónulegan póst, mér finnst .... (anda djúpt) óþolandi þegar í efnislínunni stendur RE: hittingur þegar sendandinn ætlar að spyrja mig álits á Flugdrekahlauparanum.

Svo er dónaskapur að áframsenda til mín keðjubréf, einkum ef fyrst birtast á skjánum þeir 300 sem búnir eru að fá bréfið á undan mér. Og ég slít allar keðjur, alltaf, hvort eð er.

Hitt er síðan annað mál að ég er ekki nógu dugleg að taka til í tölvupóstinum. Héðan í frá ætla ég að taka mig á í því efni.

 

Athugasemdir

[Hrafnhildur (IP-tala skráð) 18.2.2007 kl. 23:04]

Ahhhhhhhhhhhh, þess vegna fékk ég ekkert svar um Flugdrekahlauparann. Annars athyglisvert með keðjubréfin, ég var ekki búin að taka eftir því. Þú kemur endalaust á óvart.

[Berglind Steinsdóttir, 18.2.2007 kl. 23:35]

Nú ertu að hrekkja mig.

[Hrafnhildur (IP-tala skráð) 19.2.2007 kl. 08:59]

Ég var nú svona meira að toga í fótinn á þér

[Erla (IP-tala skráð) 19.2.2007 kl. 12:57]

Ég tek þetta til mín Berglind - þ.e. með efnislínuna ekki keðjubréfin.

[Berglind Steinsdóttir, 19.2.2007 kl. 21:42]

Elsku Erla, það eru margir verri en þú. Og af því að ég er hálft um hálft að skrifast á við þig í útlandinu ætla ég að stilla yfir á Sky News - fæ ég svo bráðum fréttir af starfinu?