Stytting vinnuvikunnar?

Er veiran kannski að sýna okkur fram á að við getum stytt vinnuvikuna til muna? Hvaða störf getur fólk lagt á hilluna eða stytt vinnuvikuna hjá um helming án þess að stóru hóparnir finni fyrir því?

Hjúkrunarfræðingar eru ómissandi, matvælaframleiðendur, seljendur og/eða dreifingaraðilar matvöru, sorphreinsar – og hverjir fleiri? Listamenn. Til hvers að lifa ef engin tónlist, engir litir, engin hönnun er til að gleðja auga og eyra? Eitthvað í þá veruna sagði Churchill eftir síðari heimsstyrjöldina þegar hann var spurður hvort ekki ætti að skera niður til menningar og lista.

Athugasemdir

[Þorsteinn Siglaugsson, 25.3.2020 kl. 00:45]

Ef fólk hefur of lítið að gera í vinnunni er nú eiginlega nær lagi að fækka því en að stytta vinnuvikuna, ekki satt?

[Berglind Steinsdóttir, 25.3.2020 kl. 06:58]

Ekki endilega. Fjórða iðnbyltingin ætti að koma öllum til góða og 40 tíma vinnuvika hjá vaktavinnufólki er allt of mikið. Pistillinn er samt meira um ólíkt mikilvægi starfa.