Hákarlaverkun hverfandi atvinnugrein

Ég kveikti á Rás 1 í dag sem ég geri alltof sjaldan. Vítt og breitt var í gangi og í þættinum var tekið hús á Hildibrandi Bjarnasyni í Bjarnarhöfn á Snæfellsnesi. Hann er snilldarfýr, einn af sárasárafáum sem enn kann að verka hákarl.

Hann býr þarna í Bjarnarhöfn og verkar hákarl en er líka búinn að koma sér upp aðstöðu til að taka á móti ferðamönnum. Mig minnir að ég hafi aðeins einu sinni farið til hans með farþega, en ég held að þrátt fyrir stórfengleika Snæfellsnessins hafi heimsóknin á hákarlasetrið staðið upp úr.

Athugasemdir

[Steingerður Steinarsdóttir, 8.6.2007 kl. 22:49]

Maðurinn er líka snilldarsögumaður. Einn af eldri kynslóðinni sem drakk í sig frásagnargáfuna með móðurmjólkinni. Í fyrrasumar stóð ég í kapellunni í Bjarnarhöfn og reyndi að þýða jafnóðum á ensku það sem hann sagði fyrir hóp soroptimista sem komu frá Indlandi, Englandi, Norðurlöndum, Bandaríkjunum, Hollandi, Þýskalandi og Frakklandi. Ferðafólkið var ánægt vegna þess að það skildi hann auðvitað ekki en eftir á kom hann til mín og sagði: „Þú þýddir vel.“ „Hvernig veistu það?“ Spurði ég. „Fólkið hló,“ svaraði hann.

[Elísabet (IP-tala skráð) 9.6.2007 kl. 11:00]

Við komum einmitt við í Bjarnarhöfn með kanadísku brúðkaupsgestina okkar í apríl og ég held að þetta hafi einmitt verið einn af hápunktum Íslandsheimsóknarinnar fyrir alla!

Karlinn er hreint út sagt dásamlegur! og ég fékk einmitt hrós frá honum fyrir þýðingu á frásögn hans í kirkjunni. 

[Berglind Steinsdóttir, 10.6.2007 kl. 21:44]

Já, en er hann ekki falinn? Ég meina, haldið þið að fólk viti almennt um hann og þessa sagnagáfu hans?

Svo hef ég áhyggjur af að þekkingin á hákarlaskurði tapist með honum.

[Elísabet (IP-tala skráð) 11.6.2007 kl. 09:36]

Jú, ég held að hann sé alltof vel falinn.