Laugardagur, 16. nóvember 2019
Uber
Nú er ég að verða svo ógurlega mikill ferðamaður að ég sótti mér Uber-appið í vikunni og virkjaði í fyrsta skipti. En Uber er ekki í boði í Reykjavík. Af hverju ekki? (Tek fram til öryggis að ég ætlaði ekki að panta mér bíl núna, var bara að sannreyna.)
Athugasemdir
Takmarkanir á fjölda leigubíla og að eru víst einhverjar reglur sem heimta aukin ökuréttindi til fólksflutninga gegn gjaldi, sérstakar tryggingar fyrir þá sem kaupa sér far, búnað ökutækja í þannig rekstri og skil á sköttum og gjöldum. Einhver sagði deilihagkerfið vera annað orð yfir skattsvik. Allavega fá skólakrakkar á gamalli toyótu ekki að ná sér í svartan aukapening um helgar með því að aka þér ótryggðri um Reykjavík loksins þegar eitthvað er að gera hjá þeim sem stunda þennan akstur sem atvinnu alla daga.
Vagn (IP-tala skráð) 16.11.2019 kl. 17:25
Ég næ ekki samhenginu hjá þér. Er Uber með svarta starfsemi í öðrum löndum? Ég borgaði með korti og fékk kvittun.
Berglind Steinsdóttir, 17.11.2019 kl. 10:35
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.